Fai anos xa que desexaba poder vestirme unha steadicam, gracias á Asociación Senunpeso de Vedra, que organizou un obradoiro de steady no Lav10, puiden realizar ese soño. E gustoume.

Aquí deixo un vídeo que realizou Gutier a modo de “making of” durante o obradoiro.

Steadycam Workshop LAV010 from Gutier Rolán on Vimeo.

E o mellor foron tanto o profesor coma os compañeiros do curso, profesionais e estudantes do sector audiovisual cos que houbo en todo momento moi bo rollo.

E sigo a sacar vídeos do baúl dos recordos, aquí deixo o documental que realizamos no 25 aniversario da Sociedade Deportiva Cruces, o equipo de fútbol afeizoado de Vila de Cruces. Para facelo axudoume Gonzalo Brea, meu primo, de quen saíu a idea de facelo. Nel podemos escoitar, entre outras, as verbas de Don Nicolás, que xa nos deixou pero a quen non esquecemos. Adicado aos nostálxicos do “Cruces”

Aqui deixo un vídeo que fixemos na Escola de Imaxe e Son de Vigo alá polo 2004, trátase dun bloque de anuncios publicitarios que gravamos ca idea de introducir nos programas de televisión que se realizaban nas prácticas da escola pero poida que nos pasásemos un pouco e a profesora censurouno e non o chegamos a utilizar, poida que en certos momentos rocemos o mal gusto, pero e que de aquelas gustábamos de facer carallada, eramos novos e irresponsables, ahí o deixo, máis que nada, para que os meus vellos compañeiros de clase, aos que mando un agarimoso saúdo, o lembren.

Aquí vos deixo a reportaxe realizada na “XII Festa Gastronómica do Galo de Curral” celebrada o 29 de Maio de 2005 en Vila de Cruces. Este foi o derradeiro ano, ata agora, que fixemos a reportaxe do galo, e foi o máis profesional.

César Gómez “Checha” actúa coma reporteiro nesta realización multicámara con Césa Brea, Xavier Leiro e Pablo Aldrey coma cámaras xunto comigo, Sergio Mella, que fago de cámara e montador. Aquí deixo a lista de reproducción (4 vídeos).

Este é o vídeo-reportaxe do Galo de Curral de Víla de Cruces realizado na “XI Festa Gastronómica do Galo de Curral” celebrada o 30 de Maio de 2005 en Vila de Cruces. Coma nos anteriores, eu, Sergio Mella, cámara e montador e César Gómez “Checha”, reporteiro dicharacheiro.
É máis curto que os outros e a calidade de video non é optima porque daquela liábame cos formatos de vídeo. Aí tedes a lista de reproducción (2 vídeos).

En Maio de 2001, Checha máis eu decidimos facer un video-reportaxe ao estilo “Caiga Quien Caiga” durante a Festa do Galo de Curral e, despois de oito anos, decidín subilo a Youtube e aquí o tedes, esta partido en dous anacos pola limitación de 10 minutos de Youtube o que deixo aquí é unha lista de reproducción, o seguinte vídeo reproducirase automáticamente. Non sexades moi esixentes, eramos novatos tanto o cámara coma o reporteiro (e o montador…)

Xa se poden ver os monólogos do “Martes de Comedia” celebrado durante a Semana Cultural do 2009 (do 3 ao 8 de Agosto) en Vila de Cruces ca participación de: Félix Rodriguez, Ivan Lois, Sergio Mella e o gran Víctor Grande.

Aquí o deixo - trátase dunha lista de 11 vídeos.:

Aqui deixo a curta que fixemos alá polo 2003 na escola de Imaxe e Son de Vigo que alguén se lle ocorreu colgar en Flocos.tv

Fai case dous anos participei coma operador de cámara nun spot para televisión producido por Tres Deseos e dirixido por Martin Gauvreau, si, o director de Alicja Wonderland, foi nese traballo, durante eses dous días de gravación cando coñecin a Martin, quen despois duns meses me voltaría a chamar para pedirme que participase na sua curta.

Martin non quedou moi contento co spot orixinal e quixo facer unha “montaxe do director” que colgou na súa web ademáis tamen puxo unha serie de fotos do “making of” nas que estou inda que non se me recoñece polo que tiven que “sinalar” a miña posición.

Máis fotos do “making” aquí. Despois da curta inda voltei unha vez máis a traballar con Martin e Tres Deseos nun spot no que gravamos imaxes dun coche en movemento para que posteriormente as usaran de referencia para os movementos e dinámica xa que no spot o coche era infografia 3d. Pódese ver aquí.

O título é provisional, este fin de semana toca grabación, non vou explicar moito de que vai o tema.

Mínima planificación, tocarame pelexar bastante ca montaxe…

-Actualización-

Bueno, a gravación non saleu como esperaba, fíxose de noite porque comezamos demasiado tarde por obrigas do matachín. Pero conto levar a cabo este proxecto inda que iso supoña esperar ao ano que ven á nova tempada de matanza. Paciencia.