Por fin me din de alta en Panoramio, xa tiña ganas, metín xa algunhas fotos e inda quero ir metendo máis, se queredes ver as que xa metin desde aqui podedes acceder, pero déixovos un pequeno aperitivo.
Se vos gusta un pouco a fotografía paisaxística Panoramio é o mellor non deixedes de facerlle unha visita, poderedes visitar lugares recónditos sen ergervos da silla. Tamén a podedes ver desde google earth. Por certo xa saberedes que Panoramio foi a primeira web española comprada por Google.
Déixovos aquí un enlace á web oficial da curtametraxe Alicja Wonderland na que participei como director de fotografía e operador de cámara, foi unha produción independente moi pequena, basta con ver os créditos, e rodada íntegramente en Polonia.
A idea era facer unha longametraxe de, polo menos, 90 minutos de duración pero diversos problemas de produción, entre eles económicos, non conseguimos gravar suficiente material e apenas chegamos aos 60 minutos, un tempo insuficiente para presentar a película en festivais polo que o director optou por facer unha curta duns 20 minutos que, inda que prescinde de moitas esceas que servirían para aclarar un pouco máis a trama, consigue contar unha historia interesante.
Se desexades ver a curta comunicádemo, posiblemente a proxecte no auditorio de vila de cruces pero terei que agardar a un día no que se celebren máis cousas porque ir ao auditorio por so 20 minutos algún non lle ía facer moita gracia.
Aquí vos deixo un impresionante video no que nokia nos resposta á pregunta “¿A onde imos?”, polo menos no ámbito gadgeto-tecnolóxico:
E todo isto será posible grazas á nanotecnoloxía, fusionando distintas tecnoloxías, actualmente en investigación, inda que agora pareza ciencia ficción non esquezamos que fai anos tamén o era un aparello no que se pode facer fotos, gravar vídeo, conectarse a internet, escoitar música, xogar ao Street Figther e mesmo falar por telefono, e todo nun aparatiño que colle no peto, so espero que isto non tarde demasiado en comercializarse…
Non podo deixar de decir o moito que me gustou a tipografía que escolleron para a palabra moph ademais da correcta realización do vídeo.
Neste breve tutorial vou expoñer como conseguir o chamado “aqua effect”, chámolle express porque este vai ser o xeito sinxelo e rapido para facelo. Utilicei o Adobe Flash, pero poderase facer con calquera programa de deseño gráfico xa que usa ferramentas básicas e comúns a todos eles.
Primeiro debuxamos unha base, non é obrigatoria pero serviranos para facer un marco de cor ao obxecto en cuestión. Acto seguido debuxamos a seguinte figura cun degradado de cor, neste caso escollín un degradado vermello.
O seguinte será engadir o reflexo superior, que será un rectángulo de menor tamaño de cor branca cunha opacidade progresiva de 0% a 50%.
Como vedes xa se podería dar por rematado pero compre engadir un detalle máis, un reflexo inferior, marqueino na imaxe de cor verde, debería ser un branco ao 20% de opacidade e acto seguido hai que desenfocalo (con flash Modificar / Forma / Suavizar bordes de relleno), testeade que cantidade de desenfoque é o óptimo, xa se sabe que o deseño grafico ten unha dosis moi elevada de “sentido común”
Pois isto foi todo, xogando con esta pequena base pódense conseguir cousas bastante chulas e de xeito rápido.
En próximos tutoriais evolucionarei un pouco sobre a idea do aqua effect para conseguir cousas máis espectaculares inda que, por suposto, incrementando un pouco a complexidade.
Xa estou de volta, por fin, volvo a escribir neste pequeno recuncho do ciberespacio, cas mesmas intencións de sempre, a ver se logro actualizar mais a miudo, polo de agora estou restaurando o blog xa que cambiamos o servidor, o meu erro foi que non gardei a base de datos e non podo restaurar posts vellos polo que terei que espabilar e meter novos posts.
