Naceu Tecnívoros, un novo blog en galego que xestionamos desde Lucanus e que nace a partires dun microespazo no programa de Radio Lalín Entre Nos.

Xa están colgados a modo de podcast tódolos programas que gravamos cada xoves ás 11 da maña, exceptuando algúns que fixemos ao principio e que non se gravaron.

A idea deste blog e achegar as novas tecnoloxías a xente de a pe dando explicacións sinxelas sobre temas ou dúbidas habituais relacionadas coa informática e as novas tecnoloxías.

Somos varios os que escribimos neste blog ca idea de que medre e se actualice de cotío, como mínimo tera unha actualización semanal que será o podcast do programa en cuestión.

Xa sabedes: www.tecnivoros.com

Vexamos, vin que varios dos que deixastes comentarios neste blog non tedes avatar. Este blog saca os avatar de Gravatar.com. O proceso é sinxelo, rexistrádesvos nesa web e subides unha imaxe, a propia páxina xa ten un sistema para axustar o tamaño da imaxe (que non pode ser de máis de 80×80).

Grávatar asocia a imaxe que subades a un correo electrónico, que ten que ser voso xa que enviará un mensaxe de confirmación. Cada vez que deixedes un comentario nun blog compatible con Grávatar, coma este, sairá automáticamente a imaxe que teñades asociada a ese correo-e, se tedes varios correos podedes asocialos a diferentes imaxes, ademáis se cambiades a imaxe esta cambiarase simultáneamente en tódolos sitios onde deixastes os comentarios.