Xa queda pouco para rematar a dichosa recreativa, ten o monitor de 25 pulgadas xa instalado e tanto a imaxe e o son funcionan perfectamente. 

Tal e como conectei o audio poderei utilizar a recreativa coma unha tv no futuro, queda conectar o sistema eléctrico, a luz e pegarlle os últimos vinilos decorativos polo que a seguinte imaxe que suba xa sera a máquina finiquitada.

Inda teño un pequeno problema co vídeo nalgúns xogos (de feito en varios xogos que son bastante importantes) pero conto arranxalo co novo pc que doou Checha para a causa e a quen aproveito para agradecerllo.

Aquí vedes ao meu pai, a quen tamén agradezo o traballo e tempo que adicou á máquina, o meu irmán de “Beta Tester” e ao meu socio e amigo Antonio.

Xa me falta pouquiño para darlle remate a dichosa recreativa, non sen ter algún problema, agora mesmo o máis acuciante é un pequeno erro que da a conexión do pc á máquina recreativa, con algúns xogos a imaxe non se ve correctamente, supoño que será fácil de arranxar.

Un día, un deses días nos que un navega por tendas online sen saber que mercar, atopei uns peluches que me chamaron a atención, parecían debuxados por un neno e animeime a mercar un, un UglyDoll (boneco feo). Pero ¿que son os UglyDolls?, non son máis que unha colección de bonecos, que parecen pequenos monstros, podes atopalos en forma de peluches ou art toys incluso hai libros e camisetas o meu é Bop ‘n’ Beep (o que sae na foto, en realidade é un só pero con “dúas caras”), estas curiosas criaturas son unha creación de David Horvath, un deseñador de Art toys, o que realmente cheguei a coñecer gracias a Checha.

Inda que este artista ten diferentes toys de éxito coma a Spider Boom, Bossy Bear ou Choco and Minty e as súas diferentes versións (de esquerda a dereita na imaxe inferior).

Os Choco and Minty vestidos de abellas tamén forman parte da miña colección pero os meus favoritos seguen a ser os UglyDolls, unha ampla variedade de monstros cada un ca súa propia personalidade e é a eles a quen decidín adicar os deseños da máquina recreativa, coma xa amosei no anterior post no que se poden ver os metacrilatos do panel de control e da marquesina iluminada, nun principio ía dedicala a Superlopez pero non me acababan de sair cousas ó meu gusto polo que decidín cambiar.

Inda me queda facer os deseños dos laterais, escribin a David Horvath un e-mail falándolle do proxecto con imaxes de apoio pero non me fixo moito caso, supoño que lle escribirán moito, bueno, tratarei der seguir traballando, xa lle puxen o pvc dos cantos e algúns detalles máis e esta quedando bastante ben, non tardarei en subir novas imaxes.

Non me dou aguantado máis sen amosar os novos avances levados a cabo na recreativa. Antes prefería ter explicado nun post os motivos dos deseños, quen é David Horvath e que son os UglyDolls, pero non dou agardado máis polo que aí tedes, xa me iredes comentando o que vos parece.

Xa a desfixen, ata onde puiden. A maquina está completamente despiezada, o moble non o vou seguir desfacéndo máis que nada porque non podo, as táboas estan pegadas entre si, non hai clavos nin parafusos á vista polo que terei que pintala sen desmontala antes, non me parece difícil, lixando ben as superficies que queden á vista e repintando con tino de non deixar zonas sen pintar debería quedar ben, mesmo mellor que se se pintaran por separado.

A temática que escollín para a máquina non a vou desvelar todavía pero penso vai gustar, unha pista, a cor predominante é o azul…

Ao panel de control metereille 6 botóns por xogador, ademáis de 5 botóns nos laterais para os xogos de pinball, 5 botóns de control do emulador é os 2 botóns de un e dous xogadores, ademáis poida que meta un botón para os créditos ao lado do monedeiro ou ben faga funcionar o monedeiro pero iso non e prioritario todavía.

A distribución dos botóns orixinais da máquina é bastante mala pero seguirei un pouco a idea que usou Lord Hiryu na súa “Hugo´s Olympic”, que é o mesmo modelo ca miña, hai que aprender dos profesionais.

Xurdiu un pequeno problema mentres facía o despece, escarallei o monitor que traía a máquina, funcionaba máis ou menos ben (salvo un lixeiro desenfoque) polo que non me queda outra que conseguir unha TV dese tamaño (25 pulgadas) e adaptala á máquina pero bueno, pouco a pouco.

As pezas, algunhas lixo, outras gardareinas de recordo e outras reutilizareinas. Impresionante a cantidade de porquería que tiña a máquina dentro

Aquí vos deixo a primeira imaxe da recreativa sobre a que levarei a cabo a tarea de restauración, tamén teño xa o pc sobre o que xa instalei os xogos. Agora toca pedir o J-Pac, a placa que servira de unión entre o pc e a recreativa.

Hoxe xa lle metín ganas a Marcos (o de Raul), comecei a falarller do tema, e el a lembrar xogos e a motivarse e o final o pobre quedou con máis ganas ca min de ver a maca* rematada.

Polo que puden comprobar o máis delicado e o tema da alimentación dos dispositivos, teño que lograr que o mesmo interruptor encenda todo e non parece demasiado fácil, sorte que coñezo bastante xente que controla de electrónica a ese nivel, mesmo a meu pai seguro que lle parece unha perogrullada, bueno, seguirei informando.

Por certo, inda non sei cal será a tematica-imaxe da maca, a ver que se me ocorre, ¡dádeme ideas!. Como xa comentei o ideal e inventarse, ou non, un xogo e dedicar a maca a este.  

*Maca: É un coloquialismo, é un xeito de chamar ás máquinas recreativas, aquí vos deixo un pequeno enlace a un glosario relacionado co tema.